sabato 18 maggio 2013

sa fus incora lì

Andar par Sanruman a guardar i vedrin di negozi, sota i portag, anch sa piov, na volta am piaseva ad più. Agh'iera ancora purasà ad quii ac vandeva scarp e vestì, qualc cafè, e poc altar genar ad roba.
Par Nadal al iera un spetacul che al me sempar piasù, con il lus natalizi e i vedrin ancora più beli.
Mi a gneva dala zona ad via Bulogna, a piè, e par andar in zentar a pasavà dadlì. Am piaseva ad più che ad pasar par Portareno. 
E pò am piaseva anch quand in tal chiostar, avsin ala piaza, agh'iera dil mostar ad quadar o ad scultur, e as puteva andar dentar tuti, senza bigliet. 
Qualch volta, prima d'arivar in Sanruman, am farmava in piaza Travai, avsin al Diana, e a cumprava una mistuchina, cumpagna a queli che mie padar algeva ac faseva so zia da zovna.

                                                                                                 Silvano C.©

( La riproduzione è riservata. Ma non c'è nessun problema se si cita la fonte.  Grazie)

Nessun commento:

Posta un commento

I commenti offensivi o spam saranno cancellati. Grazie della comprensione.

Post più popolari di sempre

Post più popolari nell'ultimo anno

Post più popolari nell'ultimo mese

Post più popolari nell'ultima settimana